Wednesday, January 05, 2005

Bert and Nelly's Day Oot

The ither day Bert says tae me “Nelly, that’s a stinkin’ coul oul day. I dinnae think I cud face stannin’ aboot in they oul polyhooses the day lucking at them oul bushes. D’ye think we shud go intae the toon for a bit af a day oot?”

Says I tae Bert, “Ye’re richt aboot that Bert. It’s nae day tae be stannin’ aboot they ould polyhooses luckin’ at bushes, nor any ither thing for that matter. I wud like a day in the toon, but shure I cud go naewhere wae me heer hinging roon’ me in tartles.” Bert says, “Richt enough Nelly, ye’re a guy throughother lukkin’ oul clart. Mebbe ye shud go oot tae yer cousin Pauline and see if she cud dae something wae yer heer.” Says I tae Bert, “Richt enough Bert, maybe I will dae that. But first I’ll need tae slap a bit of pancake and mescara on tae take the bad luk af me” Tae finish mesel aff I sprayt a squirt of the perfume Bert got me fur me birthday. So, says I tae Bert “Am I lukkin any better now?” Says he tae me, “Ach, ye’ll do. Ye’ll be better yit when ye get yer heer tidied up. Ye smell nice anyway.” I says tae him, “It’s thon stuff ye got me fur me last birthday. Ye mind we thocht it smelt like that quare good flyspray we got last August fur the bluebottles.” Says Bert, “Och aye, but it was a quare bit dearer than thon bluebottle stuff. Thon cost me seven poon in Bairds the chemists. Mebbe I shud have got you some of thon bluebottle stuff instead.” “Naw Bert,” says I, “Thon wud likely bring ye oot in a rash. Thon bluebottle stuff, nice an’ all as it smells wud be nae use on human skin.”

I’d already gied Pauline a wee ring and she’d said “Come oan ahead Nelly an’ I’ll see whit I can dae fur ye.” So aff we set in the big dented Volkswagen van wae Paddy and Rosie. Rosie got tae sit in the front but we haud to keep Paddy ahint us in the back fur he was clarried in glaar after bein’ in a sheugh after rats. So we got the length of me ma’s and Bert went intae her hoose and goat himsel’ a feed of barley soup and small bread way a wee cup of tae in his haun. Meantime I dandered over tae Pauline’s tae see aboot getting me heer a bit of a tidy. When Pauline got a gawk at me heer she says, “Boys-a-dear, Nelly. It’s a quare wheel since ye’ve been out here.” I says to Pauline, “Indeed it is Pauline. Luk at the cut of me wae me heer hinging roon me in tartles.” Pauline says “Och shure, we’ll soon tidy thon up fur ye. Whit way wud ye like it?” I tuk a wee scally at mesel’ in the mirror an’ I says tae Pauline “Wheek a good bit aff it. Good an’ short at the tap an’ the sides. I’m lukkin’ the early 80s dyke luk” Weel it wasn’t long ‘til Pauline had me sorted oot. “Is that the usual price then?” says I. “Aye, Nelly” says she. I gie ower a five poon note. Pauline reached tae fur to gie me change but I says “Not atall, Pauline. Shure that was weel worth a fiver.” I says goodbye to her and dandered back over tae me mither’s hoose.

I wis goin’ tae ask me ma if she wanted tae come oot tae the toon wae us but she says “Yer Aunt Maud is comin’ tae take me tae the toon. We’re fur the Next sale tae get wurselves some of they cropped troosers tae tek wae us fur wur holidays in Lourdes. They cropped troosers are all the go wae the pilgrims at the minnit.” I says tae me mither “Weel then, shure that’ll be all richt. Me and Bert’ll head on then fur Bert is mad tae get tae Burton’s fur a new jumper.”
“Before you go” says she, “Will ye tek a wee cup of tay in yer haun?” I says tae me mither, “Och naw. I’ll nae bother. Shure I’ll get some in the toon wae a fish supper in Caulfield’s, I mean Casper’s.” She says, “That’ll do then. Before I forgit Pauline’s made a lovely tidy job of yer heer.” I says to her, “Aye. It needed it, but boys-a-dear, she’s brave and dear wae her three poon. Now dinnae ye be spendin’ all yer pension in the Next sale noo.” I bantered at her.
So aff we headed tae the toon. In the carpark Bert parked the ould van at an angle astride the wee white line and aff we went intae the shoppin’ centre.

I wis scallyin’ at mesel’ in the shap windows as we santered in and was weel pleased at the new heercut. “Whit are ye fur getting’ Bert?” says I. “I cud really do wae a jumper or two,” says he. “Here’s Burton’s now. Boys this is great steam. Better than stannin’ in that ould polyhoose lukkin at clematis and shite. I love shappin’”

It wisnae long afore Bert had picked himsel’ oot a couple o’ vee neck jumpers. He hoult wan, then anither up agin himsel’. “Whit dae ye think Nelly? Which wan shud I go fur?” Weel says I, “The mustard wan wud be good for iveryday weer and wudnae mark aisy but I like the lemon wan tae. Mebbe ye shud tak the baith o’ them.” Says Bert tae me, “Yer right Nelly. I’ll tek the baith o’ them. Wull we go tae TK Maxx nixt and see if I can get mesel’ some mer bargains?” Says I “We wull indeed Bert and then we’ll gae doon tae Caulfield’s, I mean Casper’s, fur a fish supper and a wee cup of tay tae revive us. “ And that is jist what we did.

Inspiration provided by Willie Drennan and ganching

10 comments:

Anonymous said...

Holy hell. I think I understood about half of that. And chance of a translation from the original ulster-scots?

ejh

Nelly said...

Certainly. I went out to get myself a short back and sides. I was wearing plenty of make up and smelt of fly spray. We parked badly and Bert bought two yellow sweaters. It didn't actually happen that way. Bert hates clothes shopping and my hair is still "Hingin' roon me in tartles."

Anonymous said...

That was hilarious Nelly! Kinda reminded of my youth, before I started sounding all english and all. I began to question the stories authenticity with bert's 'I love shappin'' line though!

Mikeyboy

Anonymous said...

I'll have to take your word for it that I partly inspired this as I don't speak Ulster-Scots so didn't understand a word of it.

ganching

Anonymous said...

i am absolutely certain most on dunnygarron road speak just like that nelly. throughother is a favourite of my dad's words - as is blert. blert is a terribly rude sounding and i'm not sure what it means but i like it (sounds like it could be a rude vagina word)
dad would also talk about sheugh's. ah to be home.
mels.
xxxxxxx

Nelly said...

Mel - Your instincts are correct about 'blert'. I think it means a cow's. 'Banjo' Reed uses it and says it is commonly, if crudely, used in Belfast. Who knows? Not Nelly.

Anonymous said...

chrisht, I did'nnodat de mammy head gonal US. Der might be an ole grant goin for dat. lasht of the breed. shore that curowd of langers below in oarip are turfing oaros at anything quare. Giter taped and on de telly shoritidbe only fanfeckintastic.

TM

Nelly said...

Yit anither road o' gettin' a poon 'r twa put by fur the oul age. D'ye think Nelly cud cod them culchur gombeens way the oul Irish-Scots malarkey?

Ronni said...

Awesome! I have a friend from Tennessee who does a really good Scots. I'll have to send him the link.

Nelly said...

If he's lowland scotch he micht unnerstan it weel enough.